قال الفنان المصري أحمد عز، في أول تعليق له على قرار المحكمة بإثبات نسب توأم زينة له، مؤكدًا أنه سيظل متمسكًا بقوله أنهما ليسا بطفليه.
عز، قال عبر صفحاته الشخصية على مواقع التواصل الاجتماعي: “كتير سألوا عليا أمبارح وأنا بطمنكوا أنا الحمد لله كويس وزي الفل وراضي باللي ربنا كاتبهولي كله، أنا كمان مش بس راضي أنا سعيد “بالابتلاء” اللي أنا فيه عشان واثق في ربنا وفي نصره إن عاجلا أو أجلا!!!”.
وأضاف: “وان اللي أنا فيه ده ماهو إلا رفع درجات بإذن الله، طبعا أنا لا اعلق علي أحكام القضاء ومش هاطلع اعمل دوشه ولا أتكلم عشان أنا سايب حقي علي ربنا العادل الحق. اللي بقولهولكوا دلوقتي هو نفسه اللي بقوله من أول يوم في القضية وهافضل أقوله لآخر نفس في عمري”.
وتابع: “وبشهد الله علي كلامي ده بل وأقسم بالله العلي العظيم “إني ماتجوزتهاش ولا رسمي ولا عرفي ولا شفهي ولا ثانيه وإن شاء الله يكون معاها ١٠٠ حكم و١٠٠ شهاده ميلاد برضه مش ولادي”.
يذكر أن محكمة مستأنف الأسرة بالقاهرة الجديدة، قضت أمس الأربعاء 13 يناير، برفض الاستئناف المقدم من الفنان أحمد عز، على الحكم الصادر من محكمة أول درجة بإثبات نسب توأم الفنانة المصرية زينة “عز الدين”، و”زين الدين” له، وتأييد حكم أول درجة، وتغيبت الفنانة زينة عن حضور جلسة النطق بالحكم.
