“إلى آيه اللي نايمة على ودانها”.. قصة الهاشتاج الذي أشعل فيس بوك وأنقذ فتاة من خطيبها الخائن.. صور
فتاة مصرية تدعى حسناء كانت تستقل سيارة ميكروباص متجهة الى مدينة الإسماعيلية، وخلفها يجلس شاب ظل طوال الطريق يتحدث في هاتفه مع فتاة، وكانت حسناء تراقبه وتنصت إليه باهتمام وترقب.
عقب انتهاء الرحلة كتبت حسناء على صفحتها تدوينة قالت فيها: “إلى آية القاطنة بمدينة العاشر من رمضان وخطيبك من طنطا وبيشتغل في العاشر من رمضان، وبكرة هيروح معاكي فرح بنت خالتك، خطيبك قاعد دلوقتي ورايا في الميكروباص في طريقه للعاشر، وبيتفق عليكي مع واحدة اسمها ريهام عشان يسيبك ويخطبها، بس بيشوفوا طريقة عشان ترجعيله الشبكة وغالباً هيقولك إن عنده أزمة مادية وعايز ياخد منك كمان 15 ألف جنيه فلوس الجمعية اللي هتقبضيها أول الشهر”.
وضعت حسناء في نهاية التدوينة هاشتاج باسم “إلى آيه اللي نايمة على ودانها”.
الهاشتاج انتشر بطريقة غير طبيعية على فيسبوك، والرسالة تداولها الآلاف ووصلت إلى 9 آلاف مشاركة ومئات الآلاف من التعليقات.
كانت النهاية غير متوقعة، فقد وصلت الرسالة بالفعل إلى الفتاة آية التي قررت فسخ الخطوبة وأعلنت عن نفسها بجرأة لا تحسد عليها وكتبت صديقة آية، وتدعى مريم، على صفحتها: “آية فركشت الخطوبة وهتاخد حقها تالت ومتلت، ونشكر حسناء على الموقف الجدع”.
آيه فقد كشفت عن نفسها وقالت إنها تشكر حسناء على موقفها، وكتبت: “أنا مش محتاجة شهرة لا انا ميك اب ولا ارتست مثلا ولا مذيعة فبلاش جو أنى عايزة شهرة ونجومية! أنا واحدة روحت بيتها شافت أهلها وصديقاتها باعتين البوست ده.. سبحان الله نفس المواصفات (الاسم.. وبلد خطيبي.. شغله.. الجمعية.. وغيره)”.
وأضافت: “وبما إن في مشاكل وهو بيماطل في انه ياخد الشبكة ويأجل الموضوع ده، استنتجت انه بيعمل كده عشان الجمعية زي ما هو مكتوب! وبما إن في فرح والمفروض ييجي باتفاق مع ماما عشان يصالحني ونتصافى ف دي كلها أسباب اكدتلي!! ولما واجهناه في الاول مردش بعدها قال لا ممكن حوار.. انا طبيعي مصدقش يا جماعة ماهو مفيش عقل يستوعب كمية الصدف دي!! كل ده وحسناء مشافتش التدوينات اللي قالبة الفيس بصوره!! معرفتش ان مش هو؟!”
وتابعت في تدوينة أخري: “الخطوبة الأولى اتعملت عشان تتفركش معروفة يعني”، ثم قالت في تدوينة ثالثة: الحدث غطى على ألبوم عمرو دياب يا جماااااعة! انتو كده هتزعلوا ناس كتييير أووي مني”.
شاهد أيضاً: مريم حسين تمنح خطيبها فيصل الفيصل قبلة
