زينة تفتح النار على أحمد عز وتصفه بالشيطان.. شاهد
شنت الفنانة المصرية زينة هجومًا حادًا على الفنان أحمد عز، وذلك بعد انتهاء جلسة أخر دعوى كان قد قام برفعها ضده، واكدت أنه خسر كل القضايا التي تقدم بها.
زينة قالت عبر صفحتها الشخصية بموقع “إنستجرام”: «الحمد لله النهاردة كانت أخر قضية رافعها علينا الشيطان، والحمد لله ما يقدرش الشيطان يرفع اَي قضية تاني، الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا، الشيطان ده قبل ما يخسر كل القضايا خسر نفسه اللي مش موجودة أصلا وضميره المعدوم وحتي شكله اللي بقي استغفر الله العظيم».
وأضافت: «نصيحة ليكم إياكم والظلم إياكم والقسم بالكذب، كلمة اقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وانت عارف بتقول كده، بس يا ريت تسبت كدبة علشان بتسي كدبك وكل يوم بقصة».
ووجهت الشكر لمحاميها قائلة: «شكرًا الأستاذ الكبير المحترم: معتز الذكر المحامي اللي تعب معايا خلاص ارتاح من قلقي والصداع اللي عملتهوله ، ومبروك يا أستاذ معتز علي قدوم القمر زينة الصغيرة، وربنا يكرمك ويخلي زينه وعبدالله، كملت مسيرة الأستاذ الكبير محمد الدكر الله يرحمه يا رب، شكرًا الاستاذ: عاصم قنديل المحامي الكبير اللي بعتبره واحد من أهلي، أنا تعبتك أوي يا أستاذ ربنا يخلي حضرتك، وأرجوكوا سامحوني علي الصورة دي واعرفوا انها مخوفاني أنا كمان والله للأمانة ما كان هو ده شكله، بس الظلم والقسم كدب بينزل غضب ربنا علي أغلي حاجه عند الانسان، وده أغلي حاجه عنده وشه، بعتذر علي بشاعة المنظر، دي أحدث صورة للشيطان لقيتها في وشي معلش، وهاشيلها كمان شويه».
من هي زينة؟
من مواليد عام 1977 بدأت حياتها الفنية كموديل.
ظهرت في فيلم الخوف عام 1999 مع النجم أحمد زكي والمخرج داوود عبدالسيد.
عملت كمذيعة في راديو وتليفزيون العرب.
فازت بجائزة الأداء المتميز عن دورها في مسلسل «حضرة المتهم أبي».
أطلق عليها المخرج يوسف شاهين لقب صوفيا لورين العرب بعد فيلم «الحياة منتهى اللذة».
من أهم أعمالها: «الشبح، كابتن هيما، الجزيرة، بلبل حيران، المصلحة، واحد صفر».
في عام 2013 فجرت قضيتها مع الفنان أحمد عز وقالت إن لديها توأم منه.
كسبت حربها ضده وحصلت على حكم نسب توأمها في عام 2015.
رفعت قضية خلع على الفنان أحمد عز ولم تحصل على حكم حتى الآن.
