بعد وفاته بـ 6 سنوات.. حسن الأسمر يحضر حفل زفاف ابنته.. تعرف على التفاصيل وماذا فعلت ابنته لتحقق أمنيتها؟.. صور
احتفلت نعمة نجلة الفنان الراحل حسن الأسمر، بزفافها منذ أيام، ومثلها مثل حلم كل الفتيات أن يكون والدها إلى جوارها في حفل زفافها.
نعمة، نشرت صور حفل زفافها عبر صفحتها الشخصية بموقع «فيس بوك»، و طلبت من رواد إحدى الصفحات النسائية أن يضع صور والدها برفقتها وهي بفستان الزفاف وذلك حتى يتحقق حلمها.
نعمة قالت في تدوينتها: «إمبارح زي دلوقتي عملت بوست ف جروبات حد يعرف إني عازوة اعمل صورتي وأنا عروسة مع بابا الله يرحمه».
وأضافت: «بصراحة بجد كل البنات اللي عملتلي وبعتوهالي وفرحوني كتير أوي، كتر ألف خيرهم أوي أوي، وألف شكر ليهم من كل قلبي، وانبسطت أكتر بردود معظم البنات لما دعوا لبابا بالرحمه واللي شكرو فيه وفي مشواره واللي قالو عليا عروسة جميلة».
وأنهت كلامها موجهة الشكر لكل من قام بتعديل الصور والتعليق عليها: «أنا اقسم بالله مش عارفة أشكر كل بنت فيكم إزاي وكان نفسي أرد علي كل الكومنتات، أو حتي اعمل لايك بس والله من كترهم والله مش عارفة وغصب عني، وكل الصور وصلتني، كتر ألف خيركم بجد وربنا يفرح قلوبكم زي ما فرحتوني، ياريت اللي يشوف كلامي ياخده سكرين شوت ويوصله لأي بنت فكرت تفرحني، ألف الف شكر».
شاهد أيضًا: مفاجأة شقيقات إسراء عبدالفتاح لها في حفل زفافها
شاهد أيضًا: بالفيديو.. رقصة عروس مع صديقاتها تبهر الجميع
