حسن الرداد يساعد في تحسن حالة طفل مصاب بالسرطان ويعده بالتمثيل معه.. صور

قام الفنان المصري حسن الرداد بزيارة طفل مصاب بالسرطان يدعى “محمد”، كان يتمنى مقابلته، وذلك في مستشفى سرطان الأطفال 57357.

الفنان المصري التقط عدد من الصور ومقاطع الفيديو مع الطفل، على حسابه الخاص على موقع “انستجرام”، ووعده بالتمثيل معه في مسلسله الرمضاني المقبل.

حسن أكد أن زيارته للطفل تسببت في تحسن حالته الصحية، وزادت من مناعته، حيث قال: “النهاردة روحت مستشفى #٥٧٣٥٧، بعد ما كلمنى صديق ماشفتوش من ٧ سنين اسمه #خالد الشرقاوي، و قالى ان فى طفل اسمه محمد ، بيحبك جدا وعايز يشوفك والمناعة عنده ٣٠٠ فقط ( و دى طبعا قليلة جدا) و بعت لى ڤيديو، ولما رديت عليه بڤيديو المناعة عنده زادت ل ٣٥٠٠ و النهاردة المناعة بتاعته وصلت ل٤٥٠٠ بعد ما الدكاترة كانوا بيقولوا كلام علميا عكس كدة”.

وأضاف: “لما روحت وقابلته شفت ولد ماشاء الله زى القمر، ذكى جدا، فاهم فى حاجات كتير اكبر من سنه وبيحتوي اللى حواليه، دمه خفيف جدا وموهوب، لماح بشكل مش طبيعى أتكلم معايا فى حاجات كتيرة انا مش عارف هو فاهم فيها ازاى، ماشاء الله عقله اكبر من سنه بكتير تحس ان عنده ٢٠ سنه واكتر ،انا اتعلمت منه حاجات كتير النهاردة ، اتعلمت الإيمان والصبر على الابتلاء ومواجهة المشاكل بالابتسامة والرضا الشديد بقضاء ربنا و الطاقة الإيجابية اللى بيديها لكل اللى حواليه”.

وتابع: “اللى كان مزعله بس ان الأطفال فى المدرسة لما عرفه انه تعبان كانوا بيتريقوا عليه فاياريت الاهالى يفهموا اطفالهم ان دى قلة أدب، يا محمد انا بحبك جدا جدا، ربنا يشفيك يا حبيبى انت وكل اطفالنا وان شاء الله هتيجى تمثل معايا فى رمضان زى ما وعدتك، و شكرا على الهدية الجميلة دى، هجيلك تانى قريب ، يا ريت كل واحد يتبرع بجزء من وقته لاطفالنا الجمال دول عشان ده شئ كبير جدا بيهون عليهم القعدة بتاعتهم فى المستشفى”.

من هو حسن الرداد؟

• ممثل مصري ولد في دمياط 1 مايو 1984.
• خريج كلية التجارة، جامعة القاهرة، وخريج معهد الفنون المسرحية قسم تمثيل.
• شارك في أكثر من عمل سينمائي وتلفزيوني وأهمها مسلسل الجماعة، الدالي.
• متزوج من الفنانة إيمي سمير غانم في 4 نوفمبر 2016.
• أخر أفلامه “البس علشان خارجين” 2016.