ناشطون يعلقون على حوار ميسي في Yes.I’m famous “ساخرين”: مؤامرة من “الريال”
أثار الحوار الذي أجراه لاعب فريق برشلونة الإسباني، الأرجنتيني ليونيل ميسي، في برنامج Yes.I’m famous على قناة mbc مصر، تهكم رواد مواقع التواصل الاجتماعي، اللذين وصفوا الأسئلة بالساذجة وغير اللائقة بشخصية مثل البرغوث الأسطورة.
وجاءت السخرية نظرًا إلى توجيه المذيعة منى الشرقاوي بعض الأسئلة الغريبة مثل نقص الإمكانات المادية لفوز الأرجنتين بكأس العالم، أو سؤاله عن عائلته وبالتحديد جدته بشكل غير لائق، والسؤال عن موهبة ابنه الكروية رغم أن سنّه لا يتجاوز العامين، وتعمد إقحام اسم الأهلي والزمالك في الحوار من دون سبب، ثم إنهاء الحديث بقولها “أتمنى أن تزور مصر لتتذوق الأكل المصري”.
وسرد رواد المواقع الاجتماعية تلك الأسئلة، وجاءت كالآتي:-
١ – عندنا في مصر اللي بيلعبوا كورة في الشارع بيعملوا الكورة من الشرابات يا ترى عندكم بيعملوها من إيه؟
٢ – يا ترى جدتك وأنت طفل كانت بتقول لوالدك “خلّي بالك من ليو ؟”
٣ – لاعيبة كتير بينزلوا الملعب هدفهم يجيبوا اجوان عشان الجون يتحسب، أنا بحس إنك مش كده يا ميسي
٤ – يا ترى فريق الأرجنتين عنده نقص في الإمكانيات المادية تمنعه من الفوز بكأس العالم ٢٠١٨؟
٥- المذيعة جابت لميسي شيكولاتة وطلبت منه يأكُلها فاعتذر بشياكة، فسألته لو بيحب الشيكولاتة اللي بتعملها الشركة دي ولا بيحب غيرها !!!! بعيداً عن إن ده إعلان وأن أكل لعيب زي ميسي من الحلويات محسوب بالجرام
٦- سألته عن ولاده قالها عنده ابن عمره سنتين… فقالتله ويا ترى عنده موهبة في الكورة!!!!
٧- بعد ما سألته لو ابنه (اللي عنده سنتين) عنده موهبة في الكورة ولا لأ، السؤال اللي بعده كان عن ابنه برضو ولو بيخليه يتفرج على متشاته ولا بيفضل أنه يكون بعيد عن المجال؟
٨- المذيعة فرجت ميسي على فيديو لطفل بيلعب بكورة صغيرة وكان سؤالها: يا ترى تعرف تلعب زيه بكورة صغيرة أو ببرتقانة؟!!!!
واختتم الناشطون بطرافة: وهنا ميسي اتأكّد إن الموضوع مؤامرة من ريال مدريد وإن المذيعة دي مزقوقة عليه وجاية تجيبله المرض.
