استغاثت نهى مجدي طليقة نجل شقيقة الفنان الراحل حلمي بكر، بسبب المأساة التي تعيش فيها وبناتها بسبب حماتها، والتي ذكرت أنها تمارس جميع أنواع الظلم والتهديد عليهم.
ونشرت نهى مجدي مقطع فيديو عبر حسابها الشخصي بموقع فيس بوك، تروي خلاله المأساة التي تعيشها بجانب بناتها، قائلة: “أنا مخضوضة من اللي شايفاه من الناس، أنا نهى مجدي أول مطلقة تستغيث بالسوشيال ميديا للحصول على حق بناتها، وكانت قضية رأي عام من 5 سنين، والقضية ضد أبو بناتي وحماتي اللي هي جدتهم، أنا شوفت منكم ظلم وافترى كتير”.
طليقي قليل الحيلة وأمه ممضياه على وصولات
وأضافت نهى مجدي: يا رب يكون ده وقتكم الحقيقي لكشف ستره عنكم، وتظهروا على حقيقتكم، وحكمة ربنا إني أقع معاكم ووالدي ووالدتي وأخويا متوفيين عشان أحس أني عادي في أي وقت أتكلم عادي، أنتو بتقولوا في عزاء حلمي بكر لما جت سيرتي، الدور عليها وعلى عيالها، الدور علينا إنكم تطلعونا من الشقة زي ما باعتين بتهددونا من شهر؟
وأردفت نهى: “أنا باخد الـ 3 آلاف جنيه النفقة بقالي 5 سنين، ومش بتزيد برغم الغلاء، ومقدرش أنكر إن أبو بناتي قليل الحيلة ومتهدد ومامته ممضياه على وصولات أمانة لأسباب مقدرش أقولها، وعشان أبو بناتي اللي أمه مهرباه ومقعداه في دهب أغلب الوقت، مقدرش أقول عليه حاجة، لأن أمه مخلياه يعلمها توكيل عشان تاخد ورثه، وعايزة تخرجنا من الشقة”.
نهى مجدي عن عزاء حلمي بكر
وتطرقت نهى مجدي للحديث عن عزاء حلمي بكر، قائلة: “غير انكم كنتوا بتضحكوا وبتهزروا في العزا، أنتو بتتوعدوا للي جاي، طب أنتوا هتستفيدوا إيه لما تطلعوا بناتي من الشقة، اتقي الله في عافيتك وفي أولادك، بقالنا 12 سنة متطلقين وكذا مرة طليقي يحاول يرجعلي وأنتي ترفضي، بس إيه ذنب بناتي، مين هيربيهم”؟
واختتمت حديثها قائلة: “وبرضو مفكرتوش في بنت حلمي بكر وعايزين تحبسوا أمها، مين هيربيها؟، كل ده عشان حماتي مش قادرة تنسى إني اتجوزت ابنها من غير رضاها، وربنا عالم إني معايا أدلة كتير بس مش قادرة أفضح ولايا، متضعطوش عليا عشان هفضحكم، وهزعل من نفسي أوي، سيبيني أنا بناتي في حالنا”.
