منى زكي تكشف سر نجاح زواجها من أحمد حلمي.. فيديو
كشفت الفنانة المصرية منى زكي، خلال حلولها ضيفة على برنامج “قعدة رجالة” على قناة DMC، سر نجاح زواجها من الفنان أحمد حلمي.
منى أكدت إن الحفاظ على مؤسسة الزواج ليس أمرا سهلا، مشيرة إلى أن أكثر ما يساعد على نجاحها هو تقبل الطرفين لعيوب الآخر مثلما يتقبل مميزاته، حيث قالت: “تقبّل العيوب أهم ما يساعد على استمرارية الزواج، فلازم يحب عيوبه زي ما هيحب مميزاته”.
وأضافت: “يعني أنا مثلا كنت عصبية جدا زمان، ودي حاجة جوزي مكنش بيحبها فيا خالص، وهو هادي جدا، فتلقائيا لقيت نفسي بقيت هادية زيه في أوقات كتير”.
أما عن الخروجات، قالت: “أنا كنت فركيكو في الخروجات قبل ما أتجوز.. بس بعد كده خلاص، بتحس إن كل واحد بيطبع من طبع التاني من غير ما يحس وبالرضا من كل طرف”.
وكشفت عن أهمية أن يخرج كلا من الزوج والزوجه مع أصدقائهم بعيدا عن الطرف الآخر على الأقل مرة في العام، لكسر الروتين، وتابعت: “لو الراجل منع مراته إنها تخرج مع صحابها هتبقى متضايقة فهتنكد عليه، لأن علشان حد يدي السعادة لازم يبقى هو سعيد”.
