وفاة الطفل بيجاد بعد تحقيق حلمه برؤية الخطيب ومشاركته في إعلان 57357.. صور
وفاة الطفل بيجاد بعد تحقيق حلمه برؤية الخطيب ومشاركته في إعلان 57357.. صور
شارك كابتن مصر السابق محمود الخطيب، في إعلان خيري لصالح مستشفى 57357، لعلاج السرطان وبدأ عرض الإعلان بعد حلول شهر رمضان الكريم.
وشارك في الإعلان مع الخطيب الطفل بيجاد، وهو مريض بالسرطان وكان حلمه هو رؤية “بيبو”، وهو الأمر الذي حققه له الخطيب ولم يكن يعرف ان هذه هي أخر أماني الطفل بيجاد قبل أن يغادر الحياة.
الطفل بيجاد، الذي ظهر بابتسامة عرضة والفرحة مرسومة على ملامحه لمجرد أن ظل برفقة الخطيب لبعض الوقت، كما أهداه تي شيرت النادي الأهلي، كان يعاني من أحد أنواع السرطان أوضحها الصحفي محمد فتحي رئيس تحرير برنامج النهار عبر صفحته الشخصية بموقع «فيس بوك»، قائلا: «الطفل بيجاد راح لربنا سبحانه وتعالى، لما دخل المستشفى اتشخص حالته بسرطان جلد في المرحلة الرابعة نوع مابيجيش غير للكبار نوع أكل جزء من وشه، سرطان شرس، مابيهزرش المتطوعين في 57357 شافوا نفسه ف ايه فكان حلمه يقابل الخطيب وحصل فرحته وضحكته هي عزاءنا، بس وجعنا إن حد يطلع يقول : بينقوا الحالات اللي بتخف، قبلها ب 3 أسابيع كان فيه فيلم بيتصور عن التمريض ظهر فيه طفل مات أهله كانوا عايزين الmaking بتاعه وهو بيضحك كانوا عارفين إنه في مرحلة صعبة ودخل المستشفى وأتقبل، ناس كتير بتدخل وحالتها ميئوس منها بس ما حدش يستجرى يقول ماينفعش أو مايدخلش بيدخل وبننتظر معجزة ربنا في الوقت ده فيه مركز للعلاج التلطيفي بيتعمل المريض فيه بياخد قاتل للألم الطب بيقول خلاص، إنما ف 57 بيقبلوه عشان منتظرين معجزة ربنا».
وأضاف: «شفت بعيني أطفال عمرهم أقل من سنتين حالتهم ميئوس منها محطوطين على جهاز تنفس صناعي عايشين بالأجهزة، هل نشيل الاجهزة ؟ طبعا لأ لان ربنا موجود، الخطيب راح دفن بيجاد وعيلته مبسوطة إن أخر حاجة شافتها ابتسامته، وأطفال كتير بيتعالجوا وهما مبسوطين في مكان يستحق الدعم زي أماكن كتيرة».
