حكاية طرد عمر كمال من الغناء في فرح بسبب بدلة.. تفاصيل واقعة السرقة في أمريكا
كشف المطرب عمر كمال عن تفاصيل خاصة عن حياته التي عاشها في بداية مشواره مع الغناء ومعاناته الكبيرة كما تحدث عن تفاصل واقعة السطو التي تعرض لها في أمريكا.
قال عمر كمال خلال حواره مع الإعلامية أميرة بدر في برنامج “خلاصة الكلام” إنه لم يكن قادرا ماديا على شراء بدلة قائلا: كنت بشتغل في أفراح أو عيد ميلاد يوم الخميس والجمعة بـ400 أو 300 جنيه، وحرفيا مكانش معايا حق البدلة.
وأضاف أن كل صوره في الأفراح في بين عامي 2012 و 2014 هي صور ظهر فيها ببدلة ليست ملكه، استعارها من شخص لا يزال يذكره حتى اليوم.
أوضح عمر كمال أنه اضطر للاعتماد على نفسه ماليا فور انتهائه من أداء خدمته العسكرية بقوله: أنا لما طلعت من الجيش أخدت ورث أبويا وصرفته كله، وأمي قالتلي خلي الغنا ينفعك، شيل نفسك وأنا مش هصرف عليك جنيه.
طرد عمر كمال من الفرح بسبب “بدلة”
أضاف أن المسؤولين عن إحدى قاعات الأفراح رفضوا السماح له بالدخول والغناء بسبب عدم ارتدائه بدلة، واضطر لطلب المساعدة من أصحابه.
وتابع: كنت أشوف صحابي على فيسبوك، أحمد مثلا لابس بدلة حلوة، فأقول له البدلة تحفة عليك، ولو قال اتفضل البدلة أقول له خلاص عندي فرح يوم الخميس ويوم الأربع آخدها منك” وأكمل: عندي على فيسبوك أي صورة من 2012 لغاية 2014 لو لابس بدلة في فرح تبقى مش بتاعتي”.
تفاصيل واقعة السطو في أمريكا
وكشف المطرب عمر كمال، لأول مرة تفاصيل تعرضه لحالة سطو خلال وجوده في أحد البنوك بأمريكا ونجاته من الموت وقال: لما روحت أمريكا بعد كورونا بسنة مكنتش أعرف إنجليزي، وكان معايا راجل بيترجم ليا ونصحني وقال لي هات 1000 دولار وحطها في بنك أمريكي وافتح حساب وهتنفعك في الغلاء وكنا في لوس أنجلوس وأنا هوسي في الحياة الأفلام الوثائقية وكنت قرأت تقرير أن لوس أنجلوس فيها يوميًا 50 حالة سرقة لبنوك لكن قلت استحالة ده يحصل فيا وكنت منبهر بالنظام.
وأضاف عمر كمال: كنت قاعد وماسك الموبايل لقيت راجل بيزعق مع الست اللي على الشباك وضرب على الإزاز والراجل اللي جمبي قال لي خلي بالك لو هتعرف تزحف وتطلع بره أو نام على بطنك وحط إيدك على راسك قلت له ليه قال لي الراجل ده معاه قنبلة وهيفجرها وأنا كنت فاكر فيه مشكلة في الحساب لكن كان بيقول لو محطتيش الفلوس هفجر الدنيا كلها.
وتابع: قلت للراجل أنا ههرب وأنت قال لي أنا بصور علشان لو نجينا هبيع الفيلم ده من وقتها اتعلمت اخد كورسات انجليزي الحمد الحساب ما تفتحش والـ 1000 دولار مراحش عليا.
