مي كساب تشهد لصالح ميريهان حسين.. وتفتح النار على الشرطة وتستنجد بالرئيس
دافعت الفنانة المصرية مي كساب عن زميلتها الفنانة ميريهان حسين، وقررت أن تشهد شهادة حق عنها، أمام جمهورها، مي قالت: “شهاده حق امام الله انا اعرف ميريهان حسين من ايام ما كنا أطفال في طنطا اخويا وأخوها اصحاب انتيم وقربنا من بعض في تصوير مسلسل المطلقات بنت محترمه وجدعه وطنطاويه متربيه وعمرها ما بتعمل اي حاجه غلط اي كلام بيتقال افترا وتلفيق يا وزير الداخليه نضف الوزاره من الظباط المرضي النفسيين الداخليه يا ريس الأخلاق يا ريس”.
ثم وجهت رسالة قاسية لكل من يهاجم الوسط الفني، بعد كل ازمة يقع بها أحد الفنانين، حيث قالت: “صلوا على النبي.. اي حد مش عاجبه الوسط الفني والفنانين يعملي ان فلو.. مش عايزاه عندي لأنه شخص منافق بيتكلم عن وسط أنا منه وبيتابعني”.
وأضافت: “بما أني مسلمة ومؤمنة بالله جدا.. هفكركم باللي الدين بيقول عليه، الإسلام مش ظلم وسب وتجريح في أعراض الناس، ربنا وحده هو اللي أعلم بعباده.. أنا بحب جمهوري علشان شبهي علشان مني “.
