تحدثت الفنانة المصرية حورية فرغلي، عن تطورات حالتها لصحية بعد خضوعها لاستئصال الرحم، وأكثر النجوم الذين ساندوها خلالها، مؤكدة أنها لم تستطع تحقيق حلمها الذي كانت تحلم به.
وقالت حورية فرغلي، خلال لقائها في برنامج et بالعربي: “حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثّر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي سبع أورام والدكتور قال لي قدامك 10 سنين وبالمساعدة تقدري تحملي ولما تخلّفي وأنا بولدك هشيل لك الرحم، وما أتجوزتش خلال المدة دي”.
وعن الحلم الذي ضاع بعد تأثرها بالمشهد الذي قدمته في مسلسل “حكايات بنات”، وظهرت فيه وهي تحمل ابنة صديقتها عقب ولادتها مباشرة، قالت: “عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي”.
وأكدت أن الفنانات اللاتي يسألن عنها باستمرار هن: نبيلة عبيد، وصفية العمري، وميرفت أمين، قائلة: “ميعرفونيش ومشفونيش قبل كده، ولكن بيكلّموني كل يوم لإنهم حسوا بالمأساة دي”.
نصيحتها للفتيات
ووجهت حورية فرغلي نصيحة الى الفتيات قائلةً: “الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدًا، واللي بيعيش فعلاً هو إنك تتجوزي ويكون عندك ولاد، ودي الحاجة اللي ندمانة عليها، ولو رجع بيا الزمن هتجوز لإن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر”.
يذكر أن الفنانة حورية فرغلي، كانت قد خضعت مؤخرًا لجراحة لاستئصال الرحم، بعد اكتشاف الأطباء تسعة أورام خبيثة في الرحم مما لاستئصال الرحم حتى لا يتفاقم الوضع.
