تصدر مطرب المهرجانات حسن شاكوش، مؤشرات التريند، الساعات الماضية، بعد عرض حلقته في برنامج “رامز جاب من الآخر” مع طليقته ريم طارق.
وفي أول تعليق له قال حسن شاكوش خلال لايف عبر حسابه الشخصي بموقع انستجرام: “عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط”.
وتابع: “وقلت الناس تبقى مبسوطة بالحلقة، وقلت أنا عارف أني رايح لرامز بالرغم أي حاجة هتحصل بس قلت مش مهم المهم الناس تنبسط”.
وأضاف: “أنا اسف على اللى أنتم شفتوه في الحلقة عشان كمان الحلقة مكملتش ومحصلش نصيب، أنا كحسن شاكوش كنت عايز أكمل الحلقة لوحدي، لأن رامز نجم كبير ودي يعتبر 3 سنة أطلع مع رامز وهو محترم، وشكرًا لرامز أنه اختارني من ضمن النجوم اللى استضافهم في البرنامج”.
وأكمل: “بقول لرامز متزعلش وحقك عليا أنا عارف أن كنت عايز تقدم أحلى حاجة لجمهورك، بس ده يثبت للوطن العربي كله أنك أنت مش بتتفق مع نجم، وكنا ممكن عادي نكمل الحلقة بس أننا منكملش الحلقة في مصداقية أني مكنتش أعرف واتفاجئت أن في ضيف تاني”.
واختتم:”الحمدلله على كل حال وكل واحد مش بياخد أكتر من نصيبه، وبتأسف لكل الناس اللى سمعت أي ألفاظ مش كويسة حتى لو مش مني، وإن شاء الله نتقابل رمضان اللي جاي”.
تفاصيل حلقة حسن شاكوش وريم طارق ببرنامج رامز
دخلت ريم طارق طليقة مطرب المهرجان الشعبية حسن شاكوش، في حالة اڼهيار عصبي عقب رؤيتها حسن معها في البرنامج.
وقالت ريم طارق، خلال الحلقة: “لا لا لا أيه ده ايه اللي انت جايبه ده، أنا مش هكمل في وجود الشخص ده، انت عبيط يا رامز أنا مش هكمل الحلقة دي في وجود الشخص ده، ليرد شاكوش:شفت عملت فينا ايه يا رامز مين دي اصلا عشان تجيبها، حيث قامت ريم طارق بتكسير كاميرات موقع تصوير الفقرة الثانية للمقلب”.
مهرجانات حسن شاكوش وطليقته ريم طارق، حالة واسعة من الجدل على مواقع التواصل الاجتماعي بسبب الخلافات التي حدثت بينهما، والتي وصلت للنيابة العامة، عقب تحرير الزوجة بلاغًا متهمة شاكوش بطردها من مسكنهما في مجمع سكني شهير.
خلاف حسن شاكوش وريم طارق
ووقع الخلاف بين ريم وشاكوش، بعد نحو شهرين من زفافهما وتداول صور للعروس وهي تسجد شكرًا لله في الفرح، والتي أثارت وقتها جدل كبير على مواقع التواصل الاجتماعي المختلفة.
وكانت حررت ريم طارق بلاغًا رسميًا ضد زوجها، وذلك لطردها من عش الزوجية وتحفظه على قائمة المنقولات وإيصال أمانة وكل ما يخص حقوقها الزوجية، وجاء ذلك بعد معرفة حسن شاكوش أنها تزوجت من شخص آخر قبله دون أن تخبره.
وردت طليقة حسن شاكوش عن أنباء طرح حسن لها لزواجها قبل زواجها به دون علمه، إذ أكدت في منشور عبر ستوري حسابها الخاص بموقع إنستجرام أن حسن كان يعلم أنها كانت متزوجة قبله، ولكنه رفض أن يعلن ذلك على الملأ خوفًا من الفتيات اللاتي وعدهن بالزواج، حسب حديثها.
ورد حسن شاكوش على واقعة طرده لزوجته ريم طارق من مسكن الزوجية، وكتب في منشور عبر حسابه بموقع فيس بوك، أن القصة ناقصة والبيوت مليئة بالأسرار، وأن ريم طارق ما زالت زوجته ولا يصح أن يتحدث عنها، مختتمًا: اللي أقدر أقوله الحمد الله على نعمة السكوت والعقل وقت المشكلة الحمد الله على كل شيء.
ولكن بعد تبادل الاتهامات بينهما ظهرت ريم طارق طليقة حسن شاكوش، في العديد من البرامج، وأكدت إنهاء العديد من الخلافات والمشاكل، كما قالت أيضا بعد الحصول على كافة حقوقها من حسن شاكوش إنه شخص محترم.
