خرج كريم شلبي صاحب واقعة الصفع من محمد رمضان في فيديو ردا على الفيديو الذي نشره الفنان للاعتذار الأيام الماضية.
وقال كريم شلبي: شكرًا لكل واحد وقف معايا إذا كان بكلمة حلوة وطلع دافع عني، أنا اتكلمت واعترفت بخطأي لأن الاعتراف بالحق فضيلة.
صاحب واقعة الصفع من محمد رمضان يكشف مفاجأة
وأضاف: تاني حاجة أنا مطلعتش أتكلم في ولا قناة ولا فيديو لأني مش طالع أركب تريند زي ما بتقولوا لأني الحمد لله شبعان حب ناس وفلوس وعيني مليانة من صغري فمش محتاج أعمل تريند.
وتابع: اعتذار محمد رمضان على راسي بس عاوز اقول كام حاجه من غير كلام كتير.. فيه ناس بتتولد صغيرة وبتكبر وفيه ناس بتتولد صغيره وبتفضل صغيرة.
وأضاف: أنا كنت طالع اتبسط مش فارقة قرية مراسي من قرية لوتس، ومش هتكلم في حوار أنك قولت أنك طيرت الكاب والنضارة بسبب القـلم بس إبقى تقل إيدك شوية، وإن كانت إيدي الشمال ناموسة فإيدي اليمين مرزبة، وأنت بتقول أنك مرضتش تعمل محضر بس أنا اللي كنت هعمل فيك محضر بس قولت العفو عند المقدرة.”
تفاصيل واقعة صفع محمد رمضان
نشر محمد رمضان فيديو من خلال حسابه الرسمي على موقع إنستجرام ، قال فيه: جمهوري العدل الأصيل ألف شكر أنا سمعت وعرفت قد ايه انتوا دفعتوا عني وغلطتوا الولد الصغير ، لكن أنا برضو بعمل الفيديو دا عشان أعترف بغلطتي اعتذر للولد الصغير وأهله وأن ايدي اتمدت عليه ، لأن لما غلط فى الأول قلعتوا الكاب وعرفت انه ولد صغير وسألتوا اسمه ايه وسيبته ومشيت و لما غلطت تاني قولتله هات التليفون ومتملكتش نفسي وضربته قلم بسيط طير الكاب ، وعرفت أنه من قرية تانية غير مراسي وجاي يتفسح”.
واستكمل: ولو هعتبر النموسه اللى جت على خدي قلم ف أنا أستاهل من الناموسة دى 5 عشان أن غلطان ودى ولا رجولة ولا بطولة ودى الغلطة اللى أنا طالع اعتذر عنها ومسكت التليفون امسح الفيديو
