الأطباء مش عارفين يشخصوا حالته.. ميار الببلاوي تستغيث بسبب مرض أبنها

كشفت الفنانة ميار الببلاوي، تفاصيل الحالة الصحية لابنها، بعد تعرضه لأزمة صحية خلال الأيام القليلة الماضية وسط تفاعل من الجمهور والمتابعين .
وقالت ميار الببلاوي: ابني في المستشفى يعاني من ارتفاع في درجة الحرارة، والدكاترة مش عارفة تحدد ده إيه، بتقول إن عنده حصوة في القناة اللعابية تسبب انسداد، وعنده نوع بكتيريا مش قادرين يعرفوا من إيه، ونسبة الصديد عالية وبياخد مضاد حيوي ودرجة الحرارة بترفع أوي بقاله 4 أيام بيتألم.

ميار الببلاوي تستغيث بسبب نجلها

وأضافت ميار الببلاوي: دخلته مستشفى الجامعي وجبتله 17 دكتور، وكل واحد بيكون تشخيص مختلف ولكن حالته بتسوء ونفس الألم ومفيش تحسن لدرجة إن عينه مش قادر يفتحها من الالتهاب.
واكملت: لو حالته متحسنتش هسفره يتعالج معنديش غيره، وموجوعة عليه نفسي يبقى كويس وبطلب من الناس كلها تدعي ليه علشان مليش غيره.

أزمة ميار الببلاوي والشيخ محمد بكر

وفي وقت سابق، كشفت الفنانة المعتزلة والإعلامية ميار الببلاوي، أنها تعيش فترة صعبة بعد أزمتها مع الشيخ محمد أبو بكر لاتهامه لها بالزنا ورفعها دعوى ضده.
وقالت ميار الببلاوي خلال تصريحات صحفية؛ موجهة حديثها لـ محمد أبو بكر: كسرتني أنا وابني، واتهمتني بتهمة باطلة ووقفت شغلي وأكل عيشي وحالي، ولسه سايب الفيديو علشان المشاهدات ومستمر في التشهير بيا من وراء الفيديو اللي ما زال على صفحتك.
وأضافت ميار الببلاوي: راح يحج وهو ظالمني، وقال في النيابة أني اساءت له ولهيبته وشغله كونه داعية، طيب واللي قلته عليا.