عبرت الفنانة المصرية شيماء سيف، عن صدمتها الكبرى من المشاهد التي تراها خلال المصايف، منتقده جرأة الفتيات في كل الأعمار وظهورهن بملابس مكشوفة بشكل مبالغ فيه.
وقالت شيماء سيف، في منشور عبر خاصية الاستوري بصفحتها الشخصية بموقع “إنستجرام”: “خلاص الصيف بيخلص لكن للأسف آثاره مكملة…. طول عمرنا بنطلع على البحر ونشوف اشكال والوان مايوهات .. لكن السنة دي العري فاق الوصف .. المايوه بقي يتلبس في كل مكان مش على البحر بس.. توب المايوه ( اللي في نظري جزء من الملابس الداخلية ودة اكثر وصف مؤدب اقدر اقوله)”.
وأضافت: “توب المايوه بقي اللبس الرسمي للبنات وفوقه كاش مايوه بيبين اكثر ما بيستر.. هي البنات دي ما لهاش اب او زوج او اخ قلبهم يأكلهم عليهم والدم يجري في عروقهم؟؟؟ فين نخوة الرجالة.. فين حياء البنات.. والمصيبة ان كل الاعمار وكل الأحجام مش بتفرق”.
الغلط غلط ولو كل الناس عملوه
وتابعت: “الموضوع زاد اوي تحت مظلة انه بلاش body shaming و كلام فاضى ، فين الحياء ؟؟ الجسم ده المفروض نحافظ عليه مش نمتع غيرنا بيه…. الغلط غلط ولو كل الناس عملوه .. الغلط غلط ولو اصبح عادة الكل.. حفضل اقول دة غلط حى لوكنت لوحدي اللي بقوله”.
وأكملت: “العري مظهر من مظاهر التخلف الفكري واللي فاكر انه تحضر ماشي وراء القطيع بدون وعي.. فين الحياء والعفة والخجل والخصوصية؟، وبالنسبة للى عنده أولاد صغيرين و بيسالوا هى ليه البنت دى لابسة كده كل شئ بقي مباح كدة للناس كلها؟ ربنا يستر علينا جميعا ويهدي البنات و الاولاد و ويشوفوا الغلط غلط مهما كتر .. ربنا أرنا الحق حق وارزقنا اتباعه وأرنا الباطل باطل وجنبنا اتباعه”.
شيماء سيف والذكاء الاصطناعي
وكانت الفنانة شيماء سيف، قد عانت من انتشار العديد من الأخبار حول فقدانها لوزنها،ومؤخرًا نشر لها جلسة تصوير بعد تخيل أنها فقدت الكثير من وزنها وذلك من خلال الذكاء الاصطناعي، وخطفت الجلسة الأنظار لجمالها وكانت أول من عانى من النجوم من الذكاء الاصطناعي.
شيماء سيف وسط البحر
وكانت شيماء سيف، قد نشرت صورة لها عبر صفحتها الشخصية بموقع “إنستجرام”، وهي في وسط البحر وظهرت وهي ترتدي بوركيني وتضع كاب كبير على رأسها ومع ذلكحرصت على إخفاء وجهها بوضع قلب كبير عليه.
