في ذكرى ميلاده .. أشهر أزمات الفنان محمد هنيدي وأكثرها جدلًا شائعة تعاطيه المخدرات

لا تخلو حياة أي فنان من الشائعات أو الجدال بينه وبين باقي الفنانين، وعادةً ما يكون هناك حدثًا في حياة كل فنان يثير جدلًا وشكوكًا حوله، ومن أبرز هذه الأحداث في حياة محمد هنيدي “موقفه مع عادل إمام، اتهامه بتناول المخدرات، فجوة بينه وبين محمد فؤاد”.

محمد هنيدي وعادل إمام

عمل محمد هنيدي مع الزعيم عادل إمام في فيلم بخيت وعديلة عام1995، وعلى الرغم من أن هذا العمل ليس أول عمل يشارك فيه محمد هنيدي إلا أنه يعتبر السبب في شهرته.

أُثير جدلًا كبيرًا حول وجود توتر بين الزعيم عادل إمام والفنان محمد هنيدي، نظرًا لأن هنيدي رفض دورًا في فيلم تم ترشيحه فيه مع عادل إمام، ووضح محمد هنيدي أنه ذهب إلى عادل إمام وسأله إن عُرض عليه القيام بدور ليس مقتنعًا به ما الذي سيفعله، وكان جواب الزعيم أنه سيرفضه بالطبع، وهذا ما فعله هنيدي، حيث قال للزعيم أنه لن يقوم بالدور المرشح له وتقبل عادل إمام الأمر بصدر رحب ولم يقاطع هنيدي كما أُشيع.

كما ذكر هنيدي فضل عادل إمام عليه وقال “عم عادل أستاذنا وكلنا خرجنا من أفلامه”.

محمد هنيدي وجمال عبدالحميد

صرح المخرج “جمال عبدالحميد” أن هنيدي كان يتناول المخدرات، وذات مرة تناول جرعة كبيرة أثناء العمل في حلقات فوازير “حلقات ومحتاجات” إلا أن شيريهان قامت بإنقاذه من السجن والموت.

وردًا على هذا التصريح قال هنيدي خلال استضافته في برنامج “حبر سري”، قال: “يا شيخة صلي على النبي، دي حاجة عجيبة أوي، أنا في حالة من الاستغراب الشديد والصمت، إيه ده”.
وأضاف: “شيء مش مفهوم، إحنا ناس مش صغيرين عشان نقعد نرد على بعض، ونتكلم على حاجات فاضية بقالها 40 سنة، كان موقف مش ظريف”.

محمد هنيدي ومحمد فؤاد

بعد النجاح الذي حققه فيلم إسماعيلية رايح جاي، خاصةً محمد هنيدي ولمعان نجمه، بدأت الأقاويل حلو علاقة محمد هنيدي ومحمد فؤاد، وشائعات حول صداقتهم، وما أكد هذه الأقاويل والشائعات هي تصريحات محمد فؤاد نفسه.

حيث صرح محمد فؤاد في حوار قديم له مع الإعلامي محمود سعد في برنامج “على ورق”، قائلا: “بعد الفيلم أنا كلت علقة، إني اديت فرصة لهنيدي، أقسم برب العزة كل الناس اللي راحت “إسماعيلية رايح جاي” دخلت عشان خاطر عيون محمد فؤاد، وعشان خاطر فن محمد فؤاد، أنا مفكرتش في نفسي بأمانة، كل اللي فكرت فيه نعمل مشروع يكون مهم للناس”.

أضاف: “حصلي مرارة بعد كده، هو في أكتر من أني عطلت شغلي في الأفراح وأني أجيب فلوس عشان أعيش، وصرفت جزء كبير من فلوسي على الفيلم رغم إني مش منتجه ومفيش أي استفادة مادية من وراه غير إني أنجح فنيا، الناس شاهدة على اللي حصل بعد “إسماعيلية رايح جاي”، الموضوع وصل والله إني خايف فيلمي الجاي ينجح، بقول يارب أنجح بشكل بلاش يضايق حد، وربنا يهديهم”.

وجاء رد هنيدي على هذه التصريحات، في حوار له في نفس البرنامج قائلا: “أقسم بالله العظيم ما في بيني وبين محمد فؤاد أي حاجة غير إن ربنا جمع نجاحنا مع بعض، اتكتب بعدها في الجرايد شوية حاجات أثرت في محمد وهو اللي رد عليها، الكلام عن مين سبب نجاح الفيلم أخد وقت طويل، وأنا لما حد بيسألني في الموضوع ده بقول السبب ربنا سبحانه وتعالى والناس اللي فيه..”

وأضاف: “بعد ما قرأت الكلام ده كلمت محمد فؤاد وقعدنا مع بعض، وبنقعد أحباب وأصحاب ومفيش أي حاجة، وبعدها بلاقي حاجات تانية خالص في الجرايد، ولكن أنا مش هرد خالص ولا عايز أرد، رغم أن الأيام دي لازم يبقى النجم عنده شيء من الشراسة، ولكن أنا مش من النوع ده، أنا لو ركزت في ده هنسى حياتي ومش هشتغل”.