منذ فترة تم تكريم الفنان الراحل محمود عبدالعزيز من قِبل الرئيس عبدالفتاح السيسي خلال المؤتمر الوطني للشباب في الإسكندرية، وعبر الفنان محمد محمود عبد العزيز في وقت سابق، عن سعادته الكبيرة بهذا التكريم.
وقال :”الموضوع بالنسبة ليا كبير جدا وأنا في العادة مش بعرف أتكلم لما بتيجى سيرة والدي، واللهم لك الحمد والشكر بس أبويا بجد سبحان الله مشرفني في حضوره وغيابه وبيخلينا نتباهى واسمه موجود ومنور اللهم لا حسد، أنا يمكن تقريبا مفيش يوم يعدى عليا إلا وحد يبعتلي صورة أو مشهد لأبويا أو فيديو ليه”.
من ناحية أخرى كشف الفنان محمد محمود عبد العزيز عن وصية والده المرحوم، الأخيرة التي لم ينفذوها مع شقيقه كريم.
وقال الفنان: “أبويا نصحني أنا وكريم إننا منمثلش، وبدأنا نفهم مؤخرا سبب كلامه؛ لأن الشغلانة صعبة جدا، أنت ممكن تشتغل النهاردة وبكرة ولمدة سنين لا”.
وتابع: ممكن فنان يقعد في البيت بإشاعة واحدة تطلع عليه، أيا كان حجم نجوميتك، زي إن حد يقول عليك إن الممثل ده مش بيحفظ ويذاكر، أو بيضرب أوردرات، وبدأت استوعب ده لما بدأت أدخل في المجال أكتر، اكتشفت إنها شغلانة مسؤولياتها كتير وملهاش أمان ولا ضمان.
وأضاف محمد محمود عبد العزيز: وفي الأول كنت عايز أدخل معهد سينما بس أبويا رفض وقالي كمل في التمثيل لو حابب بس ادرس حاجة تانية؛ عشان لو متوفقتش تكون معاك أداة تانية تشتغل بيها.
