قرر الفنان هشام عاشور كشف الستار عن أسباب طلاقه من الفنانة نيللي كريم، مؤكدا على استمرار حبه لها، رغم الانفصال.
قال هشام عاشور: كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة”، حسب تصريحاته لبرنامج “تفاصيل” الذي تقدمه نهال طايل عبر شاشة “صدى البلد 2”.
وتابع هشام عاشور: قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهم، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزه تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض”.
وأضاف: كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أولادها، الولدين أصدقائي والبنات أيضًا، شائعات كثيرة مش هقول من صحفي؛ لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصورا ويقولو أي كلام عشان يعملوا مشاهدات.
واستكمل هشام عاشور: لما اتجوزنا في 3 شهور منذ تعرفنا، اتخذنا القرار لوحدنا وبسرعة، وفي نفس الوقت طلاقنا كان لوحدنا وبسرعة، ومحدش اتدخل.
وانفصلت نيللي كريم عن زوجها هشام عاشور، الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.
من هو هشام عاشور؟
مواليد 29 مايو 1982 في القاهرة لاعب اسكواش محترف، وهو الأخ الأكبر لرامي عاشور، وصل إلى تصنيف عالمي رفيع المستوى حيث أصبح مصنف 11 على العالم في فبراير 2012.
اتجه إلى التمثيل مؤخرا وشارك في عدد من الأعمال مع زوجته نيللي كريم منها مسلسل “عملة نادرة” ومسلسل “روز وليلى”.
