فجرت الإعلامية ريهام سعيد مفاجأة من العيار الثقيل بعدما أكدت أن الفنان محمد هنيدي تقدم للزواج منها لكن أسرتها رفضته.
وتحدثت ريهام سعيد خلال لقائها في برنامج “كتاب الشهرة” من تقديم علي ياسين عبر قناة “الجديد”: اتقدملي فنان من الفنانين ووالدتي رفضت ودي أول مرة أقولها في حياتي.
ريهام سعيد ترفض الزواج من محمد هنيدي
قالت ريهام سعيد: محمد هنيدي اتقدم للزواج منس وأهلي موافقوش عشان هو ممثل كانوا خايفين ياخدني معاه في التمثيل.
حكت ريهام سعيد كيف تعرفت على محمد هنيدي قائلة: كنت صغيرة في الجامعة الأمريكية كنت 19 سنة مثلا في أول سنة في الجامعة وطلبوا مننا أن نعمل لقاء مع ممثلين وأنا كنت بحب مسرحية “حزمني يا” رحت المسرح عشان أعمل انترفيو مع أي حد، مين اللي رضي يعمل معايا كان محمد هنيدي.
وأكملت ريهام سعيد: رحت وقفت على باب المسرح أنا وواحدة صاحبتي هي رولين القاسم، كان المساعد بتاعه اسمه جودة طلبت منه أن ندخل نعمل انترفيو عرفت بعدها أنه أعجب بيا لما كلمني وقالي إنه عايز يتقدم ليا وأنا فرحت جدا هو نجم وكان عامل فيلم “إسماعيلية رايح جاي” ومكسر الدنيا.
سبب رفض أسرة ريهام سعيد
أضافت ريهام سعيد: جيه على البيت وكان جايب هدايا كتير أوي كان لسه راجع من أمريكا، مامتي قالت له هنفكر، وبهدلتني أنا بالنسبة لأمي المجال دا سمعته سيئة هتأخر برا وممكن حد يبوسني في فيلم، ورفضت.
