أثارت الفنانة مها أحمد حالة جدل على السوشيال ميديا في الساعات الماضية بعد الرد على منتقديها بسبب حصولها على الأموال من تطبيق “تيك توك” مؤكدة أنها لن تترك التيك توك أو أي موقع تحصل منه على أموال.
وقالت مها أحمد في لايف على حسابها الرسمي على “تيك توك”: بسف على السفافين وبتمزج وبحب أطلعهم على المسرح وشغلي على التيك توك وعلى أي برنامج مش هسيبه طول ما فيه فلوس.
وأضافت مها أحمد: مش هينفع أتعالج على نفقة الدولة مع إني فنانة ومن حقي لكن لو ده حصل هتتنمروا وتقولوا بتاخد دوا الغلابة لكن أنا عايزه أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح اشتغل عند الناس بره مش هنا، علشان أنتم متنمرين، ومش هتقولوا دي ست بمية راجل بتشتغل وتكسب أنا هتفسح وهدلع وهكيدكم وأنا قاعدة وأي مكان فيه شغل وفلوس أنا قاعدة.
حقيقة خلاف مها أحمد وزوجها
وفي وقت سابق، انفعلت مها أحمد على متابعيها خلال لايف على موقع الفيديوهات تيك توك، بعد سؤالها عن موقف زوجها الفنان مجدي كامل من ظهورها في لايفات على الأبلكيشن 24 ساعة، قائلة: هو حاببني كده وبيموت فيا كده، ويا سلام بقى لو أنا زعلت وروحت اشتكيت بيجبلي هدايا في ساعتها، وبيروح يشتري ليا برفانات عشان عارف إني بحبها.
وأضافت مها أحمد: أنا مش بضايق من كل اللي بيضايقني بكلامه في اللايف.. عارفين ليه علشان بستفيد من هجومكم وبيجيلي فلوس أكتر وداعمين، ومجدي بيقعد يقولى إلا زعلك يا مها مع إني مش بعيط عشان بستخسر الدموع بصراحة، عايزاكم تفضلوا تضايقوني كل شوية وتسألوني عن مجدي كامل.
مها أحمد ترقص مع ابنها
ردت الفنانة المصرية مها أحمد على الأشخاص الذين تنمروا على رقصها رفقة نجلها في حفل الفنان محمد رمضان بالساحل الشمالي.
ونشرت مها مقطع فيديو لها، وهي ترقص مع نجلها في الحفل، عبر حسابها الرسمي بموقع “إنستغرام”، وعلقت: “واحشني التنمر، خمسة وخميسة بالمرة بقه هما متنمرين إذا هما مغلولين إذًا أنا موجود”.
آخر أعمال مها أحمد
وكانت آخر أعمال مها أحمد مشاركتها في مسلسل بيت الشدة الذي عرض عام 2022، من إخراج وسام المدني، وتأليف ناجي عبد الله، وشارك فيه وفاء عامر وأحمد وفيق وإيهاب فهمي ومحسن منصور وغيرهم من الفنانين.
