إثارت تصريحات الفنانة لوسي حالة من الجدل الكبير بعد إدلائها تصريحات تليفزيونية قالت فيها إن عملها كراقصة كتبه الله لها قبل ولادتها.
قالت لوسي: بلاش ندخل منطقة الحلال والحرام، لأني هقول لك صوت المرأة عورة، طيب أنا قاعدة معاك ليه؟”
وأضافت: الحرام هو الزنى والقتل والنصب والسرقة والاغتصاب ودائما في الخفاء، إنما الحلال دايما في النور، والرقص مش في أوض النوم، الرقص على المسارح وفي الأفراح وأكبر الأماكن في أمريكا وأوروبا، وعندي شهادات إني أحسن سفير لبلدي في الأخلاق والفن والاحترام والمواعيد.
وتابعت: من قبل ما نتولد في هذه الدنيا القاسية ربنا كتب صفحة كاملة ليك ولي ولكل البشر، وربنا قال اختاري، عايزة تبقى رقاصة؟ وأنا اخترت أبقى رقاصة.
الشيخ خالد الجندي يهاجم لوسي
وهاجم الشيخ خالد الجندي، عضو المجلس الأعلى للشؤون الإسلامية، الفنانة لوسي بعد تصريحاتها.
وقال الجندي: الأمر بالمعروف والنهي عن المنكر فريضة لا اختيار لنا فيها، وغصب عنا نتكلم في هذه المواضع وفي راقصة طالعة تتكلم نيابة عن الله، وتقول إن ربنا سبحانه وتعالى عايزها تكون راقصة وربنا اختار لها ده.
وأضاف: يا جماعة إذا بليتم فاستتروا كل واحد حر بينه وبين ربه وسيحاسبه، إنما لا تتكلم باسم الدين والشيطان قال لربنا ده إغواء، لكن الكارثة إنها عدت الشيطان وبتقول الرقص رزق وفن وفضيلة.
