انهارت زوجة مطرب المهرجانات عصام صاصا ودخلت في نوبة بكاء، وتعالت صرخاتها أثناء محاكمة زوجها بتهمة تزوير محرر رسمي، داخل محكمة الجنايات المنعقدة في زينهم.
وظهر عصام صاصا مرتديا بدلة زرقاء داخل المحكمة، وشعره قصير «ع الزيرو»، وكان حاملًا للمصحف في يده.
وكان مغنى المهرجانات عصام صاصا شارك جمهوره ومتابعيه، مقطع فيديو ظهر خلاله منهارًا من البكاء، وذلك أثناء تواجده خارج البلاد، حيث أشار إلى أنه سيتم القبض عليه أثناء وصوله لمطار القاهرة.
ونشر عصام صاصا الفيديو عبر حسابه الرسمي بموقع التواصل الاجتماعى «انستجرام»، وظهر خلاله قائلا: «دلوقتي نازل بلدي وممكن يكون هذا الفيديو آخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة، كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين».
وأضاف: «ربنا يعلم أنا كنت حاسس بإيه وقتها، والناس قالت عليه إني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني، أنا لبست قواضي وحوارات وأنا أغلب من أني أعمل أي حاجة في الدنيا».
