ابنة شريف منير.. تكشف عن عيب في وجهها.. وكيف تعاملت معه و دور عمليات التجميل في ذلك؟
كشفت أسما شريف منير ابنة الفنان المصري شريف منير ، عن مشكلة عانت منها منذ طفوتها وهي كبر حجم انفها عن باقي وجهها والمشاكل التي كانت تسببها لها خاصة عدم الثقة بالنفس.
أسما منير، قالت عبر صفحتها الشخصية بموقع «إنستجرام»: «أنا مناخيري كبيرة آه و ربنا شايف كده و خالقني كده و قالي كمان انه خلقني في أحسن تقويم، أتولد و كبرت و أهلي برضة شايفني كده قوم أيه الواحد يطلع في الدنيا مصدق إنه تمام يجي بقي الواقع يضربه علي مناخيره و فجًّأة تصدق الناس و تتكسف من عيوبك و تفقد الثقة في نفسك.. كتير بسبب إن مناخيري كبيرة كنت بفقد الثقة بنفسي و كنت بأقول لأهلي أني عايزه أعمل فيها عمليه بس ديماً كنت بخاف اعملها، و بعدين لما أتعلمت الميكاب و بالذات الكنتور عرفت أصغرها بالميكب و ده زودلي الثقة شوية و بعدين أتعلمت أصغرها في الادتنج انشكحت اكتر، عشان الناس عنيفة في رأيها فـ ساعات بيهزني و بتروضني فكرة العملية».
وأضافت: «لحد ما قررت أني أتصالح مع فكرة إن منخايري كبيرة.. لقتها ليقة علي وشي، ربنا شفها حلوة كده و أداني حاجات تانية حلوه في وشي… و فجأة حصلي حالة تفكير و افتكرت إني مش كاملة و إن عيوبي جزء مني و المفروض إني أتعلَّم أحبها عشان مش الأسهل إني أغيرها، تخيلت لو جالي لوحة من پيكاسو مثلاً هديه حتا لو معقده و فيها جزء مش عجبني مش هجيب فرشه و ألوان و اعدل عليها ، محدش هيعمل كده طب أيه بقي.. أنا لسة بتعلم أحب نفسي بس بشكل صحي مش مريض و قلت لازم ابتدي في علاجها باني أتكلم عنها بكل صدق و في تصالح بس كده».
يذكر أن اسما شريف منير احتفلت بخطوبتها مؤخرًا على الفنان الشاب محمود حجازي، في حفليين متتالين، علمًا بأنها سبق لها الزواج مرة وانفصلت عن زوجها ولها منه طفلة وحيدة.
