لن تصدق ما حدث لشعر سالي عبدالسلام.. والإعلامية: حسبي الله ونعم الوكيل.. صور

نشرت الإعلامية المصري سالي عبدالسلام صورة لفروة رأسها، على حسابها الخاص على “انستجرام”، تسببت في صدمة كبيرة لجمهورها.

الصورة كشفت عن إصابة سالي بالصلع في بعض مناطق من فروة رأسها، وقد أرجعت الإعلامية ما حدث لها إلى الحسد، حيث قالت: “اصدمكم اكتر !! لكل حد كتب كومنت على راسى والله.. انا بقرأ الاذكار كل يوم!! مبفوتش فرض وبالسنن وقيام الليل الحمد لله ..المعوذات قبل ما انزل!!! القرأن والبخور كل يوم!! كل يوم والله..وبحلف!! بس والله كدة كتير عليا! انا تعبت”.

وأضافت: “عمرى ما كنت بركز في الحسد بس مؤمنة بيه.. مبركزش من كتر ما بتتقالى انتى محسودة والناس مركزة معاكى بزيادة؟!!! ايجوا يشوفوا الواقع.. ولا حاجة بتكمل فى جميع النواحي الحمدلله..عمرى ما زعلت على شغل راح او جوازة او عربية او صحاب وببقى عارفة ان ده تركيز وناس بتتمنى زوال النعمة منك اعوذ بالله ربنا يديهم اضعاف اضعاف اللى بيفكروا بس فيه..لكن فى شعرى الاقيه كدة امبارح فجأة لا!!!! كدة كتير وفوق طاقتى يا ربى”.

وتابعت: “لما الاقى جروبات كتير بتتكلم على شعرى ويا ترى ده اكستنشن ولا زفت ولا كلمة ما شاء الله او اللهم بارك كله غل او يقول ده مش شعرها وانا اتبرع واحط صوري وانا صغيرة عشان اقولهم دي طبيعة شعر مش طريقة معينة للاهتمام عشان محدش يضحك عليكم بحسن نية للى بيسأله ويحصلى بعدها كدة”.

واستطردت: “فى شعرى ٣ مناطق مفيهاش شعراية!! الاقى بوست زى ده معمولى اكتر من ٢٠٠ منشن فيه وعلى الواتس اب والماسنجر واقرب صحاب ليا زعلانين ويقولولى ربنا يستر عليكى بجد دول عينيهم وحشة هيحصل حاجة!! وانا اكبر واضحك…لا اهه حصل!!! كدة كفاية والله..والله كفاية ! مفاضلش غير شوية الرضا وتقبل الدنيا اللى مخلينى قادرة اكمل..ابوس ايدكم بلاش دول كمان!”.

واختتمت كلامها، بقولها: “ده مش هزار ممكن تأذى حد غصب عنك او نفسك و بتحصل فعلاً لازم تقول ماشاء الله او اللهم بارك وصفى نيتك! السوشيال ميديا بجد ضيعتنا كلنا!! أعوذ بكلمات الله التامات من شر ما خلق. أعوذ بكلمات الله التامة من كل شيطان وهامة ومن كل عين لامة..#حسبى_الله_ونعم_الوكيل.. وبعد كدة هقول فى وش اى حد واحرجه او حاسد هقوله وربنا لازم يردهالى اللى مبيضيعش عنده حق حد..الحمد لله.

من هي سالي عبدالسلام؟

• مذيعة مصرية من مواليد 24 أكتوبر.
• تخرجت من الجامعة الكندية من قسم إدارة أعمال، وحصلت على دبلوم من الجامعة الأميركية فى الإذاعة والتليفزيون.
• بدأت مشوارها الإذاعي فى محطة “ميجا إف إم” من خلال برنامج “خلى بكرة أحلى”.

شاهد أيضا: الممثلة رغدة تقص شعرها في حلب -وفاءً لما نذرت