نجل محمود عبدالعزيز يحيى الذكرى الأولى لرحيله بكلمات مؤثرة.. شاهد
أحيا الفنان المصري محمد عبدالعزيز، الذكرى الأولى لرحيل والده الفنان محمود عبدالعزيز، بكلمات مؤثرة عبر صفحته الشخصية بموقع “فيس بوك”.
محمد عبدالعزيز، وجه رسالة مؤثرة لوالده قال فيها: “فاتت سنة وطول السنة وأنا بفتكر وبكتب وأنفذ كل حاجة حضرتك علمتهالي، علمتني كل حاجة ولسه بتعلم من حضرتك حاجات كتير علمتني أزاي أبقى راجل وليا كلمة، علمتني أزاي اعتمد على نفسي وماستناش حاجة من حد علمتني إني في عز الأزمة أقول يا رب وعلمتني أزاي أساعد أي حد محتاج من غير ما أجرحه علمتني إن مش كل حاجة تتحكى حتى لو كانت حاجة كويسة”.
وأضاف: “علمتني إني لما أعمل حاجة كويسة علمتني إني لما أعمل حاجة خير ولوحه الله اعملها في السر علشان ربنا يتقبل ويبارك ربنا يعلم إني بحاول أعمل كل اللي حضرتك علمتهولي فكل حاجة وأتمنى تكون الهدايا بتاعتي بتوصل لحضرتك ومفرحاك ومريحاك وفايداك كلمة واحشني كنت بقولها لحضرتك وأنت معايا وقدام عنيا دلوقتي بقت أكبر مشاكلي إن حضرتك مش معايا وكلمة واحشني ما بقلهاش معنى وما بقتش لاقي لإحساسي تفسير ولا اسم علمتني كل حاجة إلا إنك ما توحشنيش الحمد لله على كل حال”.
وأنهى رسالته قائلًا: “اللهم لا اعتراض ورضيت بقضاء الله أسألكم الفاتحة والدعاء لأبويا ولكل من رحلوا عنا”.
من هو محمود عبدالعزيز؟
فنان مصري من مواليد عام 1946.
تخرج من كلية الزراعة ومارس التمثيل كهاو على المسرح.
كانت بدايته في مسلسل الدوامة في السبعينات.
ظهر في فيلم الحفيد وكانت بدايته الحقيقية.
أول بطولة له فيلم حتى آخر العمر.
أبهر النقاد بأدائه في فيلم العار، وفيلم الكيف.
من أهم أدواره في الدراما مسلسل رأفت الهجان.
رحل في نوفمبر عام 2016.
