![من سائق توك توك إلى أشهر مطرب مهرجانات .. عصام صاصا: كنت حافظ 15 جزء من القرآن ومكنتش مهتم بالشهرة من سائق توك توك إلى أشهر مطرب مهرجانات .. عصام صاصا: كنت حافظ 15 جزء من القرآن ومكنتش مهتم بالشهرة](wp-content/uploads/2024/03/MixCollage-24-Mar-2024-11-11-PM-1408-780x470.jpg)
يعتبر عصام صاصا واحد من أشهر مطربي المهرجانات في الوطن العربي بأكمله، وحاز على شهرة واسعة بعد ظهوره على الساحة الفنية وأعجب به أجيال الشباب، وكافح من أجل الوصول إلى ما هو عليه الآن.
من هو عصام صاصا؟
ولد عصام صاصا في الجيزة منطقه عزبه جبريل فيصل، اسمه عصام محمد (25 عامًا)
بدأ عصام صاصا حياته المهنية ك سائق “توك توك” وكان حافظًا للقرآن ويواظب على حضور لقات التلاوة في المسجد إلى أن حفظ 15 جزءًا، ومن خلال قراءته للقرآن علم أنه لديه صوتًا مميزًا وأراد أن يجربه في الغناء.
حيث صرح عصام صاصا خلال لقاء له قائلًا: “
“قبل ما اغني كنت بقرأ قرآن، وده اللي عرفني أن صوتي حلو وكنت حافظ 15 جزء، وكنت مواظب على حضور حلقات قراءة القرآن في المسجد.”
عصام صاصا عمل كهربائيًا
وتابع: اشتغلت كذا مهنة زي كهربائي مع أني كنت بخاف من الكهرباء أوي؛ لأن لمبة فرقعت في وشي، ومع ذلك فضلت مكمل واشتغلت في الكهرباء حوالي سنة ونص.
وأكمل: “بعدين اشتغلت سواق على توك توك، وفضلت أشتغل أكتر من 3 سنين وكنت حابب الشغل، لأن كنت بحب أتعامل مع الناس، وكنت يومياتي من 100 إلى 200 جنية، أثناء شغلي على التوك التوك حسيت إني عايز أغني، ومش مهم حد يسمعني، اغني واسمع نفسي، ده بالنسبالي قمة النجاح بيني وبين نفسي”.
وأضاف صاصا: “أمي تعبت عليا أنا وأخويا جدًا، وكانت بتشتغل خياطة، والـ أنا فيه دلوقتي عوض ليها عن تعبها معانا”.
![](wp-content/uploads/2024/03/عصاام-صاصا.jpg)
وأكمل: “في بداتي كنت بغني أنا وصاحبي وماحدش كان بيسمع الأغنية غيرنا، مع مرور الوقت بطلت، لحد ما تعرفت على صديق كان سبب في شهرتي، وكان بيكتبلي أغاني، كنت بغني الكوبيله في يوم، بس ماكنش في نيتي الشهرة”.
وأكد: “أنا ماكنتش مهتم بالسوشال ميديا ولا كنت بفهم فيه، بس اتفأجات بعدد المشاهدات اللي حققتها الأغنية، لحد ما اتواصل معايا شركة مهرجانات، وطلبت مني أصور ڤيديو كليب مقابل إني أتنازل عن الأغنية”.
وأوضح: “بس ماكنتش أعرف إن في أرباح من اليوتيوب والسوشال ميديا، ونزلت الأغنية وجابت 60 مليون وماخدتش ولا جنية، وكنت لسه شغال على التوك توك”.
![](wp-content/uploads/2024/03/عصام-صاصا.jpg)
وأشار صاصا: “مابيفرقش معايا اغنيتي جابت مشاهدات قد ايه، ومابيكونش عارف نزلت على اليوتيوب امتى، بس متأكد أن الناس اللي شغالة معايا شغالة صح والأغنية هاتتشهر، وأول فلوس مسكتها لمة نزلت أفراح كانت من 1000 إلى 4000 جنية”.
عصام صاصا وحمو بيكا
واختتم عصام صاصا: “علاقتي بحمو بيكا كويسة، وعمري ما قابلته غير وهو بيسجل أغنية “رب الكون ميزنا بميزة”، ومدير أعماله هو السبب في التوقيع بينا كان بينقل كلام مش حصل بينا، بس مافيش بينا حاجة وبحترمه”.
تصريحات عصام صاصا عن هاني شاكر
عصام صاصا يصدم الجماهير حول هانى شاكر واما عن نقيب المهن الموسيقية فقال “عمري في حياتي ما روحت النقابة وشوفت هاني شاكر ولو حتى بالصدفة وأنا كنت بروح كتير هو ده الفرق أما مسك أستاذ مصطفي كامل، أول شيء قام به، إنه جمعنا كلنا” مضيفًا “مصطفى كامل بيسمعنا كلنا وكان بيقول ما جايز العيال دي كويسة وقعد معانا وعملنا اجتماع”.
![](http://media.elmogaz.com/img/24/03/23/767134_L.jpg)
وقال المطرب عصام صاصا أنه تفوق على عمرو دياب ومحمد رمضان ” لما أرقامي على اليوتيوب والمنصات عدت عمرو دياب ومحمد رمضان متغرتش ولكن انبسطت” مؤكدًا ” عمري في حياتي ما حسيت ولا أعرف أنا ناجح قد إيه مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي، و بكسب من الفيديوهات على اليوتيوب، اللي بيقولك مش بيكسب يبقى بيضحك عليكي، أنا بكسب ولكن مش اللي في خيال الناس”.
خلاف عصام صاصا مع عمرو كامل
خلافه مع عمر كمال، قائلًا: “سجلت مع عمر كمال أغنيتين وكنا متفقين إن كل واحد ينزل أغنية عنده ف أنا نزلت الأغنية عندي عادي، وبعد ما عمر كمال نزل الأغنية اتفاجئت إنه شال صوتي وحط صوت حمو بيكا ونزلت الأغنية بصوتهم هما الاتنين، لكن قفلتلهم الأغنية على اليوتيوب أنا مش بسيب حقي”.
عصام صاصا ومحمود العسيلي
محمود العسيلي صرح من قبل أنه سمع عن مطرب متصدر التريند لكنه لا يعلم اسمه ولا يعلم من هو، ورد عليه عصام صاصا لأول مرة من خلال برنامج أسرار حيث قال: “مزعلتش منه لكن مفرقش معايا إنه ميعرفنيش، هو كان عايز ياخد اللقطة بس انت المفروض حد كبير وليك قيمتك متتكلمش عن حد متعرفوش، وهو أكيد عارف اسمي لأنه قبل ما يطلع البرنامج بيومين كنا موجودين في حفلة حسن شاكوش وكان قاعد على الترابيزة اللي جنبي وحسن شاكوش كان بيحييني وبيحيه فأكيد عرف إني مطرب زيي زيه”.
زوجة عصام صاصا
أعلن مؤدي المهرجانات الشاب «عصام صاصا» زواجه عام 2020 من خلال حسابه الشخصي على تطبيق تبادل الصور والفيديوهات «إنستجرام» وحرص على مشاركة جمهوره ومتابعيه مجموعة من صور حفل زفافه من جهاد حسن .
![](wp-content/uploads/2024/03/عصام-صاصا-وزوجته.jpeg)