كشف الفنان بيومي فؤاد سبب عدم وجوده في السباق الرمضاني 2024 غير بمسلسل الكبير 8، وعن أزمته مع المخرجة كاملة أبو ذكري.
وقال بيومي فؤاد في تصريحات تليفزيونية: تم ترشحي للمشاركة في 6 أعمال خلال شهر رمضان ومش هقول هما ايه عشان هتبقى قلة أدب وبقيت أخاف أزعل حد وبقيت حريص، وفي ناس زعلانه وأنا مكنتش عايز أكون موجود في رمضان كتير عشان مزعلش حد ومضيت مسلسل الكبير حصري وأنا تحت أمر مسلسل الكبير لأنه صاحب الفضل عليا.
أزمة بيومي فؤاد مع كاملة أبو ذكري
وعن حديث كاملة أبو ذكري عنه بعد أزمة الفنان محمد سلام، قال بيومي فؤاد: معاتبتش كاملة أبو ذكري لأن ده رأيها وهي قررت أنها مش هتشتغل معايا.. أكلمها لما تقولي ايه اللي أنت عملته ده يابيومي؟ وحقي عند ربنا.
وأضاف كل واحد في حاله ولم يحصل عتاب ولا كلام وفي حاجات مينفعش فيها كلام وده رأيها وهي قررت ومكتبتليش ليه اللى عملته ولكن هي قالت رأيها وقررت.
أخاف من زعل اي أحد
اكمل بيومي فؤاد: أنا بقيت حريص قوي وبقيت أخاف ازعل حد.
واختتم حديثه: الشيخ الشعراوي قال لما حد يظلمك متاخدش حقك بأيدك أقف استمتع وهو ربنا بياخدلك حقك وأنا مستني حقي ومحبش أشوف اللي ظلمني بيتظلم قدام عينيا أنا غلطت واتسرعت في الفيديو اللي أنا عملته بس أنا راجل.
