أثارت الفنانة لقاء الخميسي حالة ةجدل كبيرة على موقع التواصل الإجتماعي بعدما شاركت مقطع فيديو على حسابها الشخصي عبر موقع “تيك توك” ترد فيه على التعليقات المسيئة التي تتلقاها من الجماهير عبر مواقع التواصل الاجتماعي.
وقالت لقاء: نزلت شوية فيديوهات أتكلم فيها مع البنات في أشياء ممكن تفيدهم وفي ناس لطيفة بتسأل وأنا أجيب كمان بقدر ما أستطيع وروحهم حلوة، لكن هناك أشخاص آخرين بيحبوا التدخل وإفساد المزاج ومحتاجين إلى من يصحح حالتهم النفسية ليخرج منهم المشاكل التي تجعلهم سلبيين طوال الوقت.
رد صادم من لقاء الخميسي على متابع أحرجها
تابعت لقاء الخميسي: الناس دي متصورين إنهم كدة تمام وبيقولوا آراءهم، لازم تدخل تغلط يا تـ تفه من المعلومة يا يقولوا بعض الكلمات اللي ملهاش قاموس، بمعنى إن في واحد علق في أحد الفيديوهات بيقولي إنتِ عجزتي وفاشلة، طب ما حضرتك هتعجز وكل الناس بتعجز إنت شايف إني عجزت ولكن أنا شايفة إني لسه صغيرة.
وأضافت لقاء الخميسي: النوعية اللي بتحكم على الناس وهي متعرفهاش أو حتى تعرفها مريضة، روحوا صلوا لو الصلاة هتريحكم، وادعوا ربنا تبطلعوا أحكام على الناس وسخافات وألفاظ غير لائقة وغير مهذبة، وأكيد لو كان عندك طفل أو طفلة وربتهم بالمنظر دا هيطلعوا شبهم بالظبط، وهتكون شخص مش عارف يعيش حياته ولا ينجح فراجعوا نفسكم قبل ما تكتبوا أي تعليق.
أزمة لقاء الخميسي مع ابنها
وفي وقت سابق، قالت لقاء الخميسي:اكتر لحظات الغضب كانت مع ابني الكبير، هو اكتر واحد ممكن ينرفزني، واتنرفزت عليه اكتر من مرة، وساعات بكون مجنونة ومبحسش بنفسي واحدف حاجات عليه.
وتابعت:ابني الكبير مد ايده عليا وقعدت اعيط 3 أيام ومقدرتش عليه وصعبت عليا نفسي، وبعدها أوسة جاء واتكلم معاه واعتذرلي وباس راسي.
وأكدت:محمد عبد المنصف عمره ما اتعامل معايا بشكل عنيف ومبيزعقش، وده هينقطني وهيجيبلي جلطة أنا بس اللي صوتي عالي، ووجهة نظره منطقية إننا لما صوتنا يعلي ابننا مش هيقتنع فنتكلم بالهدوء.
