قالت الفنانة غادة عادل إنها تعشق الخصوصية ولا تتدخل في حياة اي احد ولا تسمح لاحد بالتدخل في حياتها.
وكشفت غادة عادل خلال تصريحات في برنامج “ألبوم صور” عبر إذاعة “راديو إنرجي 92.1″، عشقها للخصوصية، مؤكدةً مبحبش حد يصوّر حياتي الخاصة وبفضّل إن صورتي قدام الناس تكون حقيقية.
وتحدثت غادة عادل عن طريقتها في التعامل في يومياتها وأنها لا تحب الصور الثابتة وتعتبرها تنمّراً كما لا تحب الحكم على الآخرين قائلةً: لو بعمل حاجة كويسة أو مش مقبولة هفضل زي منا.
كيف تعيش غادة عادل حياتها؟
قالت غادة عادل أنها تعيش حياتها بشكل طبيعي وأنها إنسانة بتعيش حياتها بشكل طبيعي وتعمل فيها كل حاجة وبطّلت أبرر لنفسي ومش محتاجة أوضّح حاجة اللي عاوز يفهم غلط هو حر.
وكشفت الفنانة غادة عادل عن صدمتها من الكثير من الأشخاص في حياتها قائلة: مش مسموح لحد يعمل لحياتي زووم وكتير قرّبت من ناس واتصدمت وشفت في حياتي كتير ومبقتش بعمل حساب لحد ولو حد عاملني وحش ببعد عنه ومبدئي في الحياة أكون على طبيعتي وعاوزة الناس تقبلني زي منا”.
تابعت: السوشيال ميديا لما زادت بقينا طول الوقت محطوطين تحت ضغط وأنا بقيت مش عاوزة أشوف حاجة حلوة أو وحشة الواحد من كتر ما شاف في حياته مبقاش عندي دماغ لكل ده.
ولفتت إلى أن أسرتها قريبة جداً منها، موضحة: “ولادي أكتر حاجة منورة حياتي وحب الناس لما شغلي ينجح ورد فعل الناس دي الإضاءة اللي بتنوّر قلبي وعقلي وروحي.
وعن مخاوفها في الحياة، قالت غادة عادل: زمان كنت بخاف من إني بكبر بس دلوقتي بعيش الحالة وبستمتع بكل مرحلة في حياتي وكل وقت وله حلاوته.
مسلسل لانش بوكس
يُذكر ان الفنانة غادة عادل تشارك في السباق الرمضاني هذا العام بمسلسل ” لانش بوكس” والذى يتم عرضه بأكثر من قناة فضائية .
وقد حقق المسلسل منذ بداية عرضه مع أول أيام شهر رمضان المبارك نجاح كبير حيث حاز علي نسبة مشاهدة عالية ويترقب قطاع كبير من الجمهور في مصر والوطن العربي متابعة احداثة .
طلاق غادة عادل ومجدي الهواري
بعد 20 عاماعلى زواج غادة عادل ومجدي الهواري انجبا خلالها خمس أبناء هم: محمد وحمزة ومرمي وعبد الله وعز الدين وقع الطلاق والانفصال عام 2018.
