الاحتياطات التي يجب اتخاذها في فصل الشتاء لحماية عربيتك…

الاحتياطات التي يجب اتخاذها في فصل الشتاء لحماية عربيتك…
1. لو عربيتك موديل قديم لازم تسخنها كويس قبل ما تطلع من 5 الي 7 دقائق
طب لو موديل جديد ؟ مش بتحتاج تسخين وده “حسب تعليمات الشركه المصنعه ”
انا بقي بقولك عربيتك قديمه جديده سخنها يا برنس .
2. الصدا و الباروما اكتر حاجه بتنتشر في الشتاء
طب والحل ؟
أولاً:
ديما خلى بالك لما تغسل العربيه بتاعتك نشفها كويس اوي من بره . طب ايه الحكمه في كده؟
اقولك انا لما العربيه بتاعتك بيبقي عليها مياه من بره ومع درجة الحراره المخفضه المياه مش بتشنف تعمل ايه بقي ؟ تاكل في العربيه وتعملك صدا وباروما لايقدر الله ذلك.
ثانياً:
لما تمشي في طينه و الدنيا بتمطر اوعي تسيب العربيه من تحت مليانه طينه وتطلع تنام
ليه؟ عشان حضرتك الطينه فيها مياه و بتفضل لازقه في العربيه من تحت وانت مش واخد بالك
بتالي زي ما قولنا المياه بتعملك باروما وصدأ .
3. المساحات لازم قبل دخول الشتاء تكون شغاله وزي الفل عشان تقوم بمهمتها لما المطر ينزل .
4. الكوتشات بتاعتك لازم تكون بحاله كويسه جدا في الشتا ضغط الهوا يكون مظبوط ديما
ولو انت مشيت بيها (40000 أو 45000) كيلو يستحسن تتغير .
5. أنوار الضباب (الفوجات) الله يكرمك دي هتساعدك جدا اوعي تنفض في الشتاء وتكون بايظه وتمشي عادي عشان الشبوره يا معلم والمطره والانوار بتعتك ورا وقدام .
6. لو انت من نوع ألـ بتسيب عربيتك فتره و ترجع تركبها خصوصا في الشتاء كل يومين تلاته تنزل تسخنها عشان البطاريه .
7. التكييف بقي يا برنس ده لازم تشغله في الشتا ( مش عشان تاخد برد ) عشان لما احنا بنسيبه فتره بيبوظ
لان تشغيله هيحافظ علي عدم تجفيف مواسير وخراطيم التكييف وعدم تراكم التراب جواهم
وكمان عدم تشغيل التكييف بيخلي الفريون يترسب .
يعني من الاخر كل اسبوعين كده شغله من 10 15 دقيقه .
خلى بالك الحاجات دى بسيطه بس مؤثره على العربيه يعنى انتا هتفتكر انها حاجات تافهه وهتفضل تقول عادى مجتش من مره… ومره مع مره مع مره هتبقى العربيه فى الخرده
وكل شتا وانت طيب

1. لو عربيتك موديل قديم لازم تسخنها كويس قبل ما تطلع من 5 الي 7 دقائق
طب لو موديل جديد ؟ مش بتحتاج تسخين وده “حسب تعليمات الشركه المصنعه ”
انا بقي بقولك عربيتك قديمه جديده سخنها يا برنس .
2. الصدا و الباروما اكتر حاجه بتنتشر في الشتاء
طب والحل ؟
أولاً:
ديما خلى بالك لما تغسل العربيه بتاعتك نشفها كويس اوي من بره . طب ايه الحكمه في كده؟
اقولك انا لما العربيه بتاعتك بيبقي عليها مياه من بره ومع درجة الحراره المخفضه المياه مش بتشنف تعمل ايه بقي ؟ تاكل في العربيه وتعملك صدا وباروما لايقدر الله ذلك.
ثانياً:
لما تمشي في طينه و الدنيا بتمطر اوعي تسيب العربيه من تحت مليانه طينه وتطلع تنام
ليه؟ عشان حضرتك الطينه فيها مياه و بتفضل لازقه في العربيه من تحت وانت مش واخد بالك
بتالي زي ما قولنا المياه بتعملك باروما وصدأ .
3. المساحات لازم قبل دخول الشتاء تكون شغاله وزي الفل عشان تقوم بمهمتها لما المطر ينزل .
4. الكوتشات بتاعتك لازم تكون بحاله كويسه جدا في الشتا ضغط الهوا يكون مظبوط ديما
ولو انت مشيت بيها (40000 أو 45000) كيلو يستحسن تتغير .
5. أنوار الضباب (الفوجات) الله يكرمك دي هتساعدك جدا اوعي تنفض في الشتاء وتكون بايظه وتمشي عادي عشان الشبوره يا معلم والمطره والانوار بتعتك ورا وقدام .
6. لو انت من نوع ألـ بتسيب عربيتك فتره و ترجع تركبها خصوصا في الشتاء كل يومين تلاته تنزل تسخنها عشان البطاريه .
7. التكييف بقي يا برنس ده لازم تشغله في الشتا ( مش عشان تاخد برد ) عشان لما احنا بنسيبه فتره بيبوظ
لان تشغيله هيحافظ علي عدم تجفيف مواسير وخراطيم التكييف وعدم تراكم التراب جواهم
وكمان عدم تشغيل التكييف بيخلي الفريون يترسب .
يعني من الاخر كل اسبوعين كده شغله من 10 15 دقيقه .
خلى بالك الحاجات دى بسيطه بس مؤثره على العربيه يعنى انتا هتفتكر انها حاجات تافهه وهتفضل تقول عادى مجتش من مره… ومره مع مره مع مره هتبقى العربيه فى الخرده
وكل شتا وانت طيب