ريهام سعيد باكية: محتاجة أحط 13 كيلو ماكياج عشان أخبي تشوهات عمليه التجميل
تعيش الإعلامية ريهام سعيد ، حالة نفسية سيئة بعد تشوه وجهها جراء عملية التجميل التي تم إجراءها لها على يد طبيب التجميل اللبناني نادر صعب.
وخلال حلقة أمس من برنامج “صبايا”، الذي يعرض عبر قناة “هي”،ظهرت ريهام سعيد بدون مكياج وسط انهيار من البكاء لتكشف تفاصيل ما حدث لها على يد الطبيب اللبناني ، إذ قالت :” كل الناس لما كانت تشوفني كانت تقولي مالك خاسة ليه كدا… كنت بعيدة تماما عن الناس وكنت علشان أنزل محتاجة أحط 13 كيلو ماكياج عشان أخي تشوهات عملية التجميل، وفي الاستوديو بنحط حاجة تدعم الوش وتخفي كل علامات الإجهاد ودي بفلوس كتير والقنوات بتأجرها لي”.
وتابعت ريهام: ” ناس كتير أوي كانت عارفة إن حلمي التمثيل ومش الممثلة القديرة لكن كنت موجودة واشتغلت مع عمالقة وفي الدراما ميقدرش يمشي ورايا بفلتر ووقت ما حصلي كدا قولت خلاص ربنا مش عايزك تمثلي، ولو حد عاوزني في عمل هيقوله دي اتشوهت، كان في لحظات وحشة اوي”.
ريهام سعيد تشن هجوماً ضد طبيب التجميل اللبناني نادر صعب
خلال الأيام القليلة الماضية شنت الإعلامية ريهام سعيد ، هجوماً شديداً على طبيب تجميل لبناني شهير يدعى نادر صعب، واتهمته بتشوية وجهها بعد خطأه في عملية التجميل التي أجراها لها.
ونشرت ريهام سعيد عبر حسابها على انستجرام، صوره لها قبل عملية التجميل وبعدها، قائلة:”يعني انت مجرم لدرجه انك شوهتني و عرفت انك موت ناس قبلي و بتحط صوره لواحده مش انا خالص و تقول انها انا .. انا كنت زي القمر قبل ما اجي للك حد عمره شافني شكلي كده، عارف انت لازم تبطل اذيه للناس لازم انا بحذر كل الناس منه.. انا هاطلع لايف من غير فلتر اوري الناس انت عملت ايه، رايح العراق.. بعد ما انفضحت في لبنام تبوظ الناس هناك ؟”.
وتابعت ريهام: “يعني وصل بيك الاجرام انك تشوهني و تموت 2 ستات قبلي و تحط صوره لواحده مختلفه و تقول انها انا ؟ ده انا كنت زي القمر قبل ما اجيبلك مين الست الي انت حاطتها دي ؟ والدتك ؟ عارف ؟ انا هارفع عليك قضيه و هابطللك طب عشان انت بتاذي ناس كتير اوي انت تبعد حاجه عن انك تكون دكتور، انت وقعت غلط خالص”.
واختتمت ريهام سعيد منشورها قائلة: “انا بحذر الناس كلها من التعامل معاه بجد كل انا بروح لدكتور نغيب عشان بوظ لي وشي و انا بداري بالمكياج لا انا هتطلع لايف اوريهم انت عملت ايه ؟ حاطت اي صوره فيك لواحده تانيه و بتقول انها انا ؟؟؟؟؟ انت معمول من ايه ؟ يا جماعه اوعوا حد يتعامل معاه أوعوا، بوظ الناس في لبنان رايح اربيل يبوظ الباقي”.
ريهام سعيد تنشر صور لها يوم عملية التجميل
وحرصت ريهام سعيد، على نشر صورة لها في نفس يوم عملية التجميل مع الطبيب قبل الخضوع لعملية التجميل.
وظهرت ريهام سعيد، بملامح بسيطة وطبيعية تكشف جمالها.
كما نشرت ريهام سعيد، صور أخرى لها بعد العملية بشكل مختلف وملامح مختلفة.
ريهام سعيد تشن الهجوم على صاحبة قناة الشمس وابنها
خلال الأيام القليلة الماضية نشبت خلافات بين الإعلامية ريهام سعيد ومالكة قناة الشمس سميرة الدغيدي، ليتحول الخلاف لمكايدة وتلقيح كلام.
وقامت ريهام سعيد ببث مباشر لجمهورها ومتابعيها عبر صفحتها الخاصة بـ”الفيس بوك” لتكشف كافة التفاصيل لجمهورها، إذ قالت أنها عندما قررت ترك قناة الشمس فكانت لأسباب صحيه ، ولم تكن وقتها تفكر في العمل في أي قناة أخرى أو لديها خطة بديلة بالعمل في قناة “هي”.
وأوضحت أنها تعرضت لأمور في قناة الشمس لا يقبلها أي إعلامي إذ أنه تم عرض فقرة إعلانية في البرنامج الخاصة بها وبعد ذلك باتت فقرتين إلى أن وصلت في النهاية لثلاثة فقرات.
وأشارت إلى أنها اعترضت على ذلك في وجود بعض الإعلاميين بقناة الشمس ومنهم كابتن مجدي عبد الغني ، وسرعان ما لاقت إهانة وتراشق بالألفاظ من قبل مالكة قناة الشمس، وعندما أبلغت ابنها بذلك ، كان رده:
” أمي تعمل اللي هي عايزاه”.
وأوضحت ريهام أنها أثناء تقديمها لبرنامجها على قناة الشمس، طلب منها أن تستخدم أحد منتجات التجميل لتكون بمثابة خدمة لإبن صاحب القناة ، إلا أنها فوجئت بعد ذلك بقيام مالكة قناة الشمس بنشر الفيديو الخاصة باستخدم أحد منتجات التجميل على أنه فقرة إعلانية علماً بأنها لم تتقاضى أي أجر عليه، قائلة:” أنا غير مسئوله عن اعلانات ترو لايت دي كانت خدمة لإبن صاحبة قناة الشمس مش أكتر”.
وأضافت ريهام أنها ستتخذ كافة الإجراءت القانونية لوقف هذا الإعلان، موضحة أنها ستقوم بنشر الانذار المرسل للقناة.
رد مالكة قناة الشمس على ريهام سعيد
وجهت مالكة قناة الشمس سميرة الدغيدي عير صفحتها على الفيس بوك رسالة لـ ريهام سعيد قائلة:” هو مين قال انك مسئولة عن ترولايت انتي مذيعة اخدتي اجرك علي هذه الفقرات وخلصنا كون انك بكل الطرق حولتي تاخدي اجر تاني وترفض ده هو اللي مخليكي وصله للحاله دي انسي ان اللي بتعمليه ده هيخليكي تاخدي مليم زياده لانه مش حقك وعشان الكل يفهم الهانم دي عايزه كل ما الفقرات اللي اخدت اجرها 450 الف جنيه تتذاع تاخد فلوس تانية”.
وتابعت سميرة:” وده عمره محصل في اي قناة في الدنيا لا عربية ولا اجنبيه وعشان اوضح اكتر علي سبيل المثال محمد رمضان اخد اجر عن مسلسل جعفر العمدة فهل منطقي كل ما المسلسل يتذاع ياخد اجر تاني اتقي الله وكفياكي حرب ركزي في شغلك خلصنا بقي وبالمناسبه “انتي هتتسجني”.
ريهام سعيد ترد على رسالة مالكة قناة الشمس
لم تصمت ريهام سعيد على رسالة مالكة قناة الشمس، إذ أنها سرعان ما خرجت عن صمتها مجدداً لترد عليها قائلة:” طب الحمد لله انكً اعترفتي ان بعد 25 سنه اعلام انك قعدتيني علي طبق غسيل . بعد كل النجاح الي حققته كانت دي كلمة شكرا”.
وتابعت ريهام:” شفتي بتكرمي الناس الي معاكي ازاي؟لا مكنش فري دفعت تمنه غالي أوي من كرامتي وتاريخي اللي راح علي إيديكي ، انتي فاكره ان انتي كده رخصتيني بالبوست ده ؟ بالعكس هو مين اللي رخصني و دلوقتي بيعايرني باللي هو عمله فيه”.
وأضافت :”الحمد لله إنك اعترفتي اني عندك قعدت علي طبق غسيل و القاعده دي انعملت عشان خاطرك .بس الحمد لله ربنا اكرمني و رجعت لقيمتي و كياني الي تعبت فيه و مكاني الصح الي استحقه”.
جدير بالذكر أن الإعلامية ريهام سعيد تقدم برنامجها “صبايا” على قناة “هي ” ثلاثة حلقات اسبوعياً يتم إذاعتها يوم السبت والأحد والإثنين الساعه التاسعة مساءا.
