غادة عبد الرازق: قولت لسلمى أبو ضيف “تفي” عليا بجد وبعدها جبتها من شعرها
تصدرت الفنانة غادة عبد الرازق التريند بعد حديثها عن أحداث مسلسل “حدث بالفعل”، وقالت أن أغلب البرامج استغلوا صراحتها بسبب التريند، و”طلعوا علها سمعة وحشة” حسب وصفها.
وقالت الفنانة غادة عبد الرازق إن: “سلمى رهيبة وذكية وحابة أوي التمثيل وبتعمل مجهود وتبهدل نفسها وتسمعني كويس أوي.. أنا ماسيبتهمش طول المسلسل، ولو هفوة راحت منها كنا بنعيد المخرج يقولي هنعيد؟ أقوله اااه هنعيد تاني يا أستاذ.. مرة واتنين وتلاتة وتقول أحسن من كدة”.
وعن مشهد البصق عليها قالت عبد الرازق: “هي ماكنتش راضية تتف عليا واتكسفت جدًا، قولتلها على فكرة يا سلمى انتي مابتتفيش على غادة عبد الرازق انتي بتعملي كدة مع الشخصية، واوعي تفتكري إني من النجوم اللي هو لأ لأ لأ أنا ماتضربش ولا يتتف عليا لاااااه.. قولتلها تفّي واعملي دورك صح عشان المشهد في وشك وخليني أعلى معاكي عشان رد فعلي يا سلمى؛ بس وسمعت كلامي بالظبط وعملتها كويس جدًا خلتني عملت رد فعل مكنش موجود في المشهد وهو إني جبتها من شعرها”.
